Mikayıl Əliyev küçəsinin Babək prospektinə doğru olan hissəsində təmir işləri davam etdirilir.
Nizami rayonu Mikayıl Əliyev küçəsinin Babək prospektinə doğru olan 1450 metrlik hissəsinin 700 metr ərazisində təmir işləri aparılır.
Sözügedən ərazidə təmir-tikinti işləri yekunlaşandan sonra küçənin digər hissəsinin, 750 metrlik ərazinin də təmirinə başlanılacaqdır.
Təmir-tikinti işləri zamanı küçənin köhnə asfalt-beton örtüyü yenisi ilə əvəzlənir. Ümumilikdə sözügedən əraziyə 2 qat olmaqla 30 min kvadrat metr sahəyə yeni asfalt-beton örtüyünün döşənməsi planlaşdırılır.
Mikayıl Əliyev küçəsindən Babək prospektinə çıxan hissəsinin 150 metrlik bir ərazisində genişləndirmə işləri görüləcəkdir ki, bunun da nəticəsində həmin istiqamətdə yol təqribən 3-4 metr genişlənəcəkdir
Qeyd olunan ərazidə yağış sularının kənarlaşdırılması üçün yağış-kanalizasiya sisteminin 1 kilometrdən artıq hissəsi qurulmuşdur.
Piyadaların normal və təhlükəsiz hərəkəti üçün yol boyu hər iki istiqamət üzrə 1,5 metr enində yeni piyada səkiləri yaradılıb. Səkilərin kənarlarına 3 min p/m yaxın səki daşları düzülür.
